MAANA YA KANISA

(Kanisa ni nini?)

“Na juu ya Mwamba huu nitalijenga kanisa langu. Wala milango ya kuzimu haitalishinda” Yesu ndiye Mwamba. 1Kor 10:4 “Kwa maana Waliunywea Mwamba wa Roho uliowafuata  na Mwamba ule ulikuwa ni Kristo”

Yesu hakujenga jingo lolote na Kuliita Kanisa. Yesu hakutenga watu wowote waliomwamini na kuwaita kanisa. Bali aliwaita wanafunzi wake. Yesu Kristo ndiye Kanisa, ndiye Hekalu. Yh 2:19-21. Ndiye pekee aliyeshinda milango ya kuzimu kama alivyosema alifufuka siku ya tatu. Akalisimamisha hekalu la MUNGU milele. Kanisa ambalo ndiye yeye mwenyewe likashinda umizimu, yeye ndiye ana funguo za mauti (kuzimu). Hakuna jingo lolote liitwalo Kanisa, ambalo limefufuka na kushinda mauti. Hakuna watu (waumini) wowote ambao wameitwa Kanisa, walioshinda mauti (umizimu). Badala ya watu ao kushinda umizimu, wao ndio wameshindwa kabisa na umizimu. Wanaenzi wafu kupindukia. Na wengi wanafia dhambini, bila kutubu. Matokeo yake, ni kuingia katika hukumu ya MUNGU; moto na kibiriti Uf 20:7-9;10. Na majumba yote yaliyoitwa Makanisa yatafumuliwa kwa moto. 2Petro 3:10. Lakini Yesu ambaye ndiye Kanisa ndiye Neno Yh 1:1 hatafumuliwa. Yeye ndiye atawafumua waongo wote na majengo yao makubwa. Inashangaza Mkristo, Mchungaji, na kiongozi mkuu wa dini anaita majengo wanamoabudia, na kuimba humo, eti kanisa!! Majengo amabyo yatafumuliwa na moto, kama vile hekalu (jengo) la Yerusalemu, lilivyofumuliwa na moto. Na jiwe halikubaki juu ya jiwe. Eti haya ndiyo kanisa la Yesu alilolijenga juu yake mwenyewe!! Eti haya majengo ndiyo Yesu amaanishe kuwa kanisa la yesu alilolijenga juu yake mwenyewe!! Majengo ya sasa japo yajengwe kwa vigae, mabati ya South Africa au Kenya na madirisha makubwa ya vioo vipana, na kuta za urembo, vyumba na waya, yatafumuliwa siku ya mwisho. Kanisa la Yesu haliwezi kufumuliwa na moto.

Leo kwa tafasiri potovu, watu wanaita majengo yao ya ibada Kanisa, lakini si kanisa. Ni jengo. Yesu aliacha kanisa lake, na leo linaendelea lakini hakuacha jengo lolote kwa maana ya Kanisa. Aliacha neno lake Mt 7:24. Wanafunzi nao hawakuwa kanisa. Wala watu wote walio mwamini. Hao walikua wanafunzi na sio Kanisa. Yesu alipoona wengine wanamwacha Yh 6:66-69, aliwauliza wanafunzi wake, “Ninyi nanyi mwataka kuondoka”? Petro kwa niaba ya wote alijibu, “Twende kwa nani”? Wewe unayo maneno ya uzima wa milele, nasi tumesadiki, tena tumejua yakuwa wewe ndiwe mtakatifu wa Mungu. Yh 6:68,69. Wanafunzi hawakuwa na Kanisa lingine lenye maneno ya uzima, ila Yesu tu. Wale waliorudi nyuma wasiandamane nae tena, Yh 6:66, walirudi jengoni ndilo hekalu, ambalo lilifumuliwa mwaka 70AD na Warumi. Waliliacha Kanisa ambalo ni Yesu, mwenyewe. Waliacha Kanisa waliacha hekalul la agano jipya lililoimama milele baada ya kufufuka kwake Yh 2:19,21. Mtu anayemwacha Yesu, asisadiki maneno yake, huyu ndiye aliacha Kanisa. KANISA NI NENO LAKE: NA NENO NI YESU. Yh1:1,14  Mt 7:24  Yh 2:19,21

Yh 1:12. “Bali waliompokea aliwapa uwezo wa kufanyika watoto wa Mungu, ndio wale waliaminio jina lake” Wale waliomwamini Yesu, hawakuwa Kanisa, bali watoto wa MUNGU. Ni makosa yatokanayo na tafsiri za walimu wa uongo, na mafisadi 2Petro 2:1-2, wanaojifanya kuwa ndio Kanisa. Huku umizimu, udhalimu, uasi, uongo vimekithiri miongoni mwao. Watu hawa wameyaita majumba ya kuabudia kuwa ni makanisa hata kama ndani yake wanacheza dansi, wanaabudu sanamu, na kufuata Sera za Mnyama kupitia Utandawazi (UTDZ). Ndivyo ilivyozoeleka. Mfano: mtu mgeni anauliza; hili jumba (jengo) kubwa ni la nini? Jibu ni Kanisa la Pentekoste; au la RC; au KKKT, au SDA n.k. ilivyozoeleka kwa kitu, kuitwa hivyo siyo ukweli wa kuwa vile. Kuna tofauti kati ya kitu Fulani kuitwa vile, lakini kisiwe vile halisi. Kuitwa na kuwa ni tofauti. To be called, and to be real, are two different ideas. Mf huyu kijana anitwa Bongoman, lakini si Bongoman mwenyewe, kuitwa anaitwa tu lakini hawi kama anavyoitwa. Ibrahimu alimwita Sara, kuwa ni umbu lake; huku  ni mke wake. Hakuwa umbu lake. Kwa kosa hilo la kuita mtu, asivyo, Farao alimchukua kuwa mke wake. Kwa huruma ya MUNGU na uwezo wake, Farao akapambana na maajabu kwa kumchukua umbu la Ibrahimu kumbe sio umbu, bali ni mke wake. Haya ni matokeo ya kuita kitu kwa makosa, kisivyo halisi.

Ndivyo ilivyo leo kwa madhehebu yaitayo majengo yao ya ibada kuwa ni makanisa. Hivyo, uongo huu, ukasababisha madhehebu mengi kuanzishwa yakijiita makanisa, lakini bila kutoa neno la MUNGU. Isaya 8:20 “Nawaende kwa sheria na ushuhuda”, lakini bado wanahubiri watu waende humo; na wasiojua wanajiunga na majengo tuu, yasiyo na Yesu.

Mungu ana Kanisa moja tu, lishikalo Amri za MUNGU na Imani ya Yesu. Kama ilivyokuwa kwa hekalu walibaki tu na nyumba yao iliyokuwa tupu bila Yesu Mt 23:8,39. Hawa waliita majengo kuwa Kanisa bila kulifuata NENO la MUNGU, bila kuwa na Yesu, ambaye ndiye Kanisa, ndiye mlango. Wao badala ya kuwaelekeza watu kwa Yesu na NENO lake wakawapeleka katika majengo ya ibada. Wakawaacha waamini maneno potovu kuwa wao ndio Kanisa. Walikwea kwingineko. Hawakuingilia Mlangoni. Walikuwa wevi na wanyang’anyi, Yn 10:1,2,8. Kwa kuwa ni majengo tu, bila Yesu, ibada zao ni za kuimba, kucheza kupiga ngoma, vigelegele, makofi, kulia ovyo tu eti ni kushikwa na Roho au kunena kwa lugha, kumbe ni kiuga tu, msisimko na humo si kanisa, bali ni jumba la anasa tu (Social Hall)

Kanisa la MUNGU ambalo ni Yesu mwenyewe, mwanadamu hawezi kuja kwa ufedhuli. Eti badala ya kunyenyekea, kujifunza kwa utulivu, kuomba na kuungama, ila anatenda dhambi zaidi akiwa ndani. Je akitoka nnje itakuaje? Watu wanaingia na mavazi ya aibu kwa kuwa siyo Kanisa ni jengo tuu. Kanisa ambalo ni neno la yesu linaonya na kufundisha hivi. Mh 5:1,2    4T uk 648    Kumb 22:55.

Je wale waliotoka katika majengo ya ibada yao ni waasi? Kuna wajibu mawili. Ndiyo na Hapana. Wale waliotoka humo wakaacha misingi halali, kanuni za haki na utaratibu safi, kamazilivyoasisiwa na neno la MUNGU, wakaanzisha mafundisho mengine potovu, kama ilivyokwisha elezwa, ni waasi. Wale walioyaacha majengo, wakazidi kudumisha misingi yote, kanuni zote, na taratibu zote za SDA hawa ndio wamo katika kanisa la Yesu. Kujitenga na Maasi ndani majengo sio kuacha kanisa. Kuacha kanisa ni kuasi misingi yetu ya kanisa la waadventista wasabato. Mf. kufanya mabaraza siku ya sabato, ni kuacha kanisa yaani NENO – Yesu. Yesu ndiye Bwana wa Sabato, kwa hiyo umemuasi Yesu. Mwanamke kuvaa suruali ameliacha Kanisa – Neno  Kumb 22:5

Mwanamke kutamalaki (kuhubiri) mimbarini ni kuacha Kanisani – Neno – Yesu    1Tm 2:11; 1Kor 14:34.  Mwanamke ni sawa na kondoo  jike na chombo dhaifu. Hawezi kumwakilisha Yesu Kuhani Mkuu wa huduma ya Upatanishi.

Law 16;3,5,8; 20:37.  1Pt 3:7  Wanawake wahubirio mimbarini, huku wakijua hawana sifa za utumishi mtakatifu kwa huduma ya ukuhani (upatanisho) ni wahuni wa kiroho kabisa. Wako nnje ya Kanisa la Yesu – SDA. Wako nnje ya NENO – Yesu.

Soma Law 21:18-21 Licha ya kuharibika kwa kiungo hicho cha kiume, je mwanamke anacho? Maonyo mengine kwa wahudumu Ez 44:18-20. Je watavaa suruali? Je neno litamruhusu Mwanamke kuvaa Suruali? Suruali ni vazi limpasalo Mwanaume. Mwanamke akivaa Suruali Mimbarini, mbona ndio Babel!! (Machafuko)

Kwa hiyo, tokeni kwake enyi watu wangu. PP166 Kabla ya kuangamizwa kwa Sodoma, MUNGU alipeleka ujumbe kwa Lutu ajiponye nafsi yake, asitazame nyuma. Onyo lilelile lilitolewa kwa wanafunzi, kabla Jerusalemu Haijaangamia. Lk 21:20,21

Kulikuwa kuna kutoka, kutengana kwa makusudi  kwa makusudi na waovu, kujiponya kwa maisha ndivyo ilivyokuwa siku za Nuhu, Lutu, na Kwa wanafunzi kabla ya Jerusalemu kuangamizwa. Na ndivyo itakavyokuwa siku zetu hizi za Mwisho, sauti tena itasikika kwa ujumbw wa onyo, ikiwahimiza watu wake wajitenge kutoka kwa uasi – uovu uliokithiri, lazima tujitenge na ndugu wasio waaminifu 2Thes 3:6,7.

~MUNGU AWAFUNULIE NURU YA UKWELI HUU AMINA~